Bada natkhat hai ye dil na jaane kya kya sochta rehta hai,
kabhi bada khush toh kabhi zara sa dukhi rehta hai..
Karvata hai mujhse ye na jaane kaise kaise karnaame,
jinka uddeshya ham bhi na jaane aur tum bhi naa jaane..
Kabhi toh pyar bhare ek hi shabd se harshit ho jaata hai,
toh kabhi shabdon ki uljhan mein hi ulaj kar hatash ho jata hai..
Khush hota hai jab ye toh har baat mein haasya khoj leta hai,
par jab hota hai ye dukhi toh uss haasya mein bhi apna dard khoj leta hai...
Kabhi toh deewano ki tarah kisi khaas ko chahne lagta hai,
samay ke saath vahi khaas iss dil ko bhane fir lagta hai..
Na jaane kitni yaadein sanjoye rehta hai ye apne andar,
jaise andar bhara hua ho pyaar ka samundar...
Zindagi ki iss kashmakash mein bass iss baat ka khayal rakhna,
chori na ho jaye kahi issey zara sambhal kar rakhna..
~Ankit
.jpg)
0 comments: